Plantun de Prouvènço

Pèr coumpara dos planto d'encò nostre

Delphinium dubium & Humulus lupulus

Delphinium dubium

Ranunculaceae

Noms en français : Dauphinelle élevée, Dauphinelle douteuse.

Descripcioun :
Planto renadivo proun grando qu'a de fueio bèn verdo e telado. Li flour soun d'un poulit blu emé un long esperoun. Vèn bèn dins li relarg mountagnous umide. Es uno planto proutegido.

Usanço :
Coume si cousin li tuo-loup, aqueste capouchin es uno planto proun empouisounanto. Caup d'alcalouïdo que paraliso lou cors e majamen l'alenamen. Li bèsti que l'esbrouton podon n'en mouri.

Port : Grando erbo
Taio : 30 à 100 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Delphinium
Famiho : Ranunculaceae

Ordre : Ranunculales

Coulour de la flour : Bluio
Petalo : irreguliero
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : 1800 à 2700 m
Aparado : Vo
Remarco :
Juliet à avoust

Liò : Melounié - Esboudèu - Prado umido
Estànci : Subaupen
Couroulougi : Ouroufito-Sud-Aupenco
Ref. sc. : Delphinium dubium (Rouy & Foucaud) Pawl., 1934

Óubloun

Humulus lupulus

Cannabaceae

Àutri noum : Barbouto, Vigno-dóu -Nord.

Noms en français : Houblon, Houblon grimpant.

Descripcioun :
Cadun counèis li pigno (enflourejado) dóu óubloun que douno à la biero soun goust. Es uno planto coumuno au nostre dins li relarg umide e proche d'aigo. Se recounèis peréu à si fueio di tres partido (de cop que i'a entiero) e à si lòngui liano.

Usanço :
Aleva pèr la biero, li pigno podon perfuma mant uno bevèndo o èstre manjado. Ajudon à dourmi (dins d'ùni relarg se n'en fai de coussin). Fau saupre peréu que li jóuini cambo soun manjadisso coume d'espargo. Ei poussible d'utilisa li tijo pèr la banastarié.